Novas

Lí­mite de prazas para a I Xornada monográfica de APETEGA O número máximo de participantes é de 60 Á vista do éxito de inscrición que está tendo a I Xornada Monográfica e debido ao límite de aforo do salón de actos e dos obradoiros do IES "Macías O namorado", así coma ó número máximo de visitantes que admiten en Cortizo, vaise limitar o número de participantes a 60.   Recordámosvos que a admisión na actividade será por rigorosa orde de inscrición nas mesmas. De superar os 60 inscritos, aquelas persoas que se sigan anotando a partir deste número quedarán en situación de reserva por se se dan baixas (o cambio de situación comunicaráselle por mail aos correspondentes "suplentes"). As persoas que queden en situación de reserva e non sexan socias deben agardar ata a confirmación de inscrición por mail para realizar o ingreso.   De seren moitas as persoas que queden fóra da actividade debido a esta limitación estudiarase facer unha nova xornada monográfica na segunda avaliación. ligazón permanente Enviado o 17-10-2007

I XORNADA MONOGRÁFICA DE APETEGA "O traballo cos materiais" Coa fin de aumentar a oferta formativa que a Asociación pon a disposición dos seus socios e socias, e do profesorado de Tecnoloxía en xeral, convócanse este curso por primeira vez as Xornadas Monográficas de APETEGA, Esta I Xornada Monográfica de APETEGA versará sobre "O traballo cos materiais", e celebrarase o sábado 17 de novembro no IES "Macías O Namorado" de Padrón (A Coruña). No apartado Xornadas Monográficas tedes completa información sobre as mesmas. Animádevos a participar! ligazón permanente Enviado o 05-10-2007

II CONCURSO DE CARTEIS DE APETEGA Presentación de traballos ata o dí­a 20 de decembro Un novo curso convócase o CONCURSO PARA A CREACIÓN DO CARTEL OFICIAL DAS XORNADAS DE TECNOLOXÍA, que lembramos este ano van pola súa VIII edición e se celebrarán os días 18 e 19 de abril de no IES "Gregorio Férnández " de Sarria (Lugo). E un novo ano animámosvos a que participedes cos vosos alumnos e alumnas aproveitando a oportunidade que ofrece o presente concurso, en canto a que supón unha desculpa para motivar ao alumnado no traballo dos contidos correspondentes ao deseño asistido por ordenador, así como a que poidan amosarnos a súa creatividade (como tantas veces ben seguro vos teñen sorprendido). Podes consultar as bases aquí e a galería de traballos presentados o ano pasado aquí. ligazón permanente Enviado o 05-10-2007

"Instrucións" da S.X. de Innovación Educativa para as Áreas de Música, Plástica e Tecnoloxía Carta enviada aos directores dos centros con data do 21 de setembro de 2007 No Decreto 133/2007, do 5 de xullo, polo que se regulan as ensinanzas da ESO na Comunidade Autónoma de Galicia, non se recolle a secuenciación por cursos nin os criterios de avaliación para o primeiro dos cursos nos que se imparten as materias de Música, Plástica e Tecnoloxía. Esto é debido a que cando se estaban a elaborar os currículos só tiñamos presencia nun curso da ESO. Foi con posterioridade, e grazas ás presións dos colectivos de profesores especialistas, cando se ampliou a carga horaria e se pasou a ter presenza en dous cursos. Presumiblemente a administración fixo este cambio sen tempo suficiente para modificar o texto do Decreto, o cal debía publicarse no verán para poder cumplir co calendario de implantación da LOE, de onde se deduce porque non se fixo unha secuenciación de contidos por cursos coma nas demais áreas da ESO. Como nos indican no texto da carta, tras ler os Anexos II e III do citado Decreto, queda claro que os contidos alí recollidos deben impartirse, con diferente grao de profundización nos dous cursos, e que, a diferencia do resto de áreas da ESO, en Música, Plástica e Tecnoloxía é o seu profesorado o responsable de concretar os obxectivos, contidos, criterios de avaliación,... para o primeiro curso no que se impartan. Podes acceder á carta dende aquí. ligazón permanente Enviado o 02-10-2007

Publicada a Orde que regula os Programas de Diversificación Curricular DOG nº 161 do martes 21 de agosto de 2007 Pódese aceder ao texto de dita Orde coa seguinte ligazón. Destacar como máis salientable, tanto para os Programas de Diversificación Curricular dun ano (4º da ESO) coma de dous (3º e 4º da ESO), que a materia de Tecnoloxía: Terá un "(...) carácter eminentemente práctico, que incluirá os contidos básicos correspondentes ás materias de tecnoloxías do terceiro curso e de tecnoloxía do cuarto" Cursarase fóra do grupo de referencia. Impartirase cunha carga horaria de 3 horas semanais. ligazón permanente Enviado o 23-08-2007

[1] [2] [3] [4] [5] [6] [7] [8] [9] [10] [11] [Páxina12] [13] [14] [15] [16] [17] [18] [19] [20] [21] [22] [23] [24] [25]